بالفيديو.. السيسي: وزير المالية زعل مني وقال الراجل دخل فيا

داعب الرئيس عبدالفتاح السيسي في لقطة طريفة الدكتور عمرو الجارحي وزير المالية، بعد أن أحرجه خلال الجلسة العامة الثانية حول الإصلاح الاقتصادي، قائًلا: «الدكتور عمرو زعل مني وقال الراجل راح داخل فيا..لا طبعًا إنتوا إخواتي كلكم».

وأردف خلال الجلسة العامة الثانية حول الإصلاح الاقتصادي ورؤية الشباب، بجلسة الحوار الشهري الأولى للشباب: «قولت لوزير المالية لما عرض عليا «البريزنتيشن» أنا يهمني هقول للناس إيه ميهمنيش الكلام النظري».

وكان الرئيس عبد الفتاح السيسي، أحرج الدكتور عمرو الجارحي، وزير المالية، خلال الجلسة العامة الثانية حول الإصلاح الاقتصادي، بجلسة الحوار الشهري الأولى للشباب، قائلًا: "اللي حضرتك بتقوله ده ميفهمهوش المصريين".

وقال السيسي موجها حديثه لوزير المالية: "هذا اللقاء تنويري معرفي لجميع المصريين.. عاوزين البسطاء في الشارع يعرفوا اللي بتقوله.. أنا قولتلكم عمر ما كان المستهدف بالنسبة لنا النخب ولا المثقفين»، مؤكدًا أن المستهدف بالنسبة للحكومة يجب أن يكون الإنسان البسيط في الشارع الذي يئن من الظروف الاقتصادية الصعبة، مضيفًا: «الإنسان البسيط اللي بيقولنا انتوا عملتوا فينا كده ليه وعاوزين نعرفه بشكل سهل».

ورد وزير المالية: "مش هعرف أكمل.. البساطة في النواحي الاقتصادية صعبة بس هحاول.. أنا خلصت الجزء بتاعي وحضرتك ممكن تفهمهم".