بالفيديو.. «إلهام» تكشف سبب حذف دور «سماح» من «يوم للستات»

تحدثت الفنانة «إلهام شاهين» خلال حلقة الليلة من برنامج «معكم» مع الإعلامية «منى الشاذلي» عن سبب حذف دور «سماح أنور» وبعض الفنانين من فيلم «يوم للستات».

وذكرت أن حذف المشاهد يرجع لرؤية المخرجة، قائلة: ً«ده شغل مخرج في الحقيقة، أنا معايه مخرجة بثق فيها وفي شغلها جدا، وهي من حبها في الممثلين بتبقى عايزة تدي كل ممثل حقه، وعلشان تعمل كدة وهي معاها 10 نجوم ونجمات، فالفيلم طول قوي وبقى ساعتين ونص، ولما اتعرض في مهرجان «فينيسيا» جالنا تعليق: إن الفيلم طويل، وبعدها قلت للمخرجة: إنتي حرة، وده قرارك».

وأضافت: «بعدها المخرجة عملت مونتاج، وشلنا نحو ساعة إلا ربع من الفيلم، وعلشان كده سمعتوا إنه فيه فنانين زعلوا، وده مش حقيقي، إحنا مش زعلانين مع بعض، وسماح أنور فعلا دورها اتشال كله، بس هي مش زعلانة، وعرفت ده منها، هي كلمتني وقالت لي، وشخصيتها في الفيلم تعبت فيها، وهو كان دور صامت، لسيدة رافضة الحياة مع الناس، وعايشة مع القطط، لكنها في النهاية بتنط في حمام السباحة مع الناس، رغم رفضها ليهم، وده علشان سمعت إنه حاجة جميلة».