بالفيديو.. إلهام شاهين تكشف سبب إنتاجها لـ«يوم للستات»
تحدثت الفنانة إلهام شاهين عن سبب إنتاجها لفيلم "يوم للستات" خلال لقائها الليلة ببرنامج "معكم" مع منى الشاذلى، وذكرت أنها أثناء تصويرها فيلم "خلطة فوزية" من تأليف هناء عطية عرض عليها فيلم واحد صفر مع المخرجة كاملة أبو ذكرى.
وقالت، "بعد ما خلصت فيلم خلطة فوزية هناء عطية قالت لى عندى فيلم وعايزه أكتبه لك تاخديه وتنتجيه فقلت لها أنا معجبة جدًا بكتابتك وبخلطة فوزية لأنه كان شىء جميل وصادق وشخصيات جديدة وبتعبر قوى عن المجتمع الأغلبية والناس التعبانة وهناء بتعبر عنهم فعلًا بشكل صادق وواقعى وكنت مبسوطة جدًا من كتابتها في خلطة فوزية وقلت لها خلاص أنا معاكى بس كان في دماغها انى أعمل الشخصية اللى عملتها نيللى كريم".
وأضافت "وأنا بصور بقى مع كاملة في واحد صفر سألتها تفتكرى فيلم يوم للستات ده هيبقى زى واحد صفر فكاملة قالت لى لا ده هيبقى قد واحد صفر 10 مرات وده خلانى أطمن جدًا، وبدأت هناء تكتب وأنا معاها وكاملة معاها وقعدنا في ورشة عمل كتير جدًا على سيناريو الفيلم وكلنا شاركنا فيه من روحنا".
