خالد زيدان يوقع رواية أفيزيا بتيفولى دوم.. 9 ديسمبر

يوقع الكاتب خالد زيدان روايته "أفيزيا" بمكتبة تيفولى دوم بالشيخ زايد، في السادسة مساء 9 ديسمبر المقبل.

ومن أجواء الرواية نقرأ: «امتصَّ غضبي وجعلني أُنْصِتُ له كتلميذة في مراجعة ليلة الامتحان ردَّ: دا مش حشيش دا "فُودُو"! وراح يدخن أول أنفاسه: – فودو؟! – بصي هو اللي جربوه بيقولوا حاجة خرافية تلات أنفاس منه بيدوكي تذكرة رايح جاي 20 دقيقة في عالم مُوازي، إنتي مش عارفة أنا عملت إيه عشان أجيب السيجارة دي من "أفغاني" وبصراحة قلت مافيش أحلى من سيجارة فودو تبقى حفلة الوداع للدخان والسكة الشمال، – تقوم مجربها وأنت معايا وعلى طريق سفر! سيف وحياتي ارمي السيجارة دي! – أرمي إيه بس دي بتمن صباع حشيش وبصراحة خُفْت أشربها في الحفلة أطلع أخطف المايك من منير.

لم أستطع تحمُّل الرائحة ففتحت النافذة التي بجواري، ليعترض هو مباشرةً – لا لا، اقفلي الجُوبّ هيطير، – هاتخنق من الدخان! – يا فندم سعادتك تسندي راسك وأنا أفتح لحضرتك التكييف وأشغلك فيروز حبيبتك ودعينا نذهب سويا إلى حيث لا ندري».