وليد منصور عن صورة تامر حسني قبل الشهرة: من صغره مميز وناجح
حرص منظم الحفلات والمنتج وليد منصور على التضامن مع النجم تامر حسني، بعدما سخر البعض على مواقع التواصل الاجتماعي من صورته قبل الشهرة.
وكتب وليد تدوينة عبر صفحته الشخصية على موقع التواصل الاجتماعي فيس بوك «بجد الواحد بيستغرب الناس أول لما تلاقي حد ينجح ويجتهد علشان نجاحه يكبر ويكبر وده حق مشروع تلاقي ناس فشلة تقول كلام عبيط وتنزل صور كأنه جريمة الواحد يكون ليه صورة من ٢٠ سنة».
وأضاف «معلومة أنا علاقتي بالنجم الكبير تامر حسني عمرها ٢١ سنة، ومن صغره مميز وناجح عن زمايله، وتامر دلوقتي هو الفنان اللي تدخل أي عمل وانت مطمن وكسبان».
وتابع «أنا مشفتش إن شارع في أمريكا بيتقفل علشان حضور حفل نجم مصري أو عربي، يا ريت نبطل نفسنة، ونركز كل واحد في مجاله إزاي يجتهد وينجح ويكون زي تامر حسني في ما وصل إليه».
واختتم «شكرًا تامر حسني لكونك صديق.. شكرا تامر حسني على ثقتك أني منظم معظم حفلاتك.. شكرًا تامر حسني إني منتج فيلمك الجديد».
