سما المصرى: فستان مهرجان القاهرة صممه «ترزي غلبان»
كشفت الفنانة الاستعراضية "سما المصري" في تصريح خاص لـ"فيتو": إنها اختارت تصميم الفستان من مجلة مصرية، وتولى مهمة تنفيذ التصميم "ترزي غلبان"، على حد تعبيرها، يدعى "عم عيد"، مؤكدة أنها لم تلجأ لمصمم أزياء كما تفعل باقي النجمات.
وذكرت أنها انبهرت بتصميم الفستان بعد اتمام تنفيذه، قائلة: "بصراحة عمله أحسن مما كنت أتوقع بكتير جدا، وجيت أدي له فلوس مارضيش، وقاللي: ده هدية مني ليكي؛ علشان إنتي وقفتي في وش الإخوان بطولك، وإنت ست بـ 100 راجل".
وتابعت: "وقاللي: إنتي عملتي اللي رجالة معملهوش، وحكالي إن ليه ابن أخ استشهد في سيناء بسبب إرهاب الإخوان وحماس، وعشان كده هو بيحبني؛ لأنه شايف إني كنت بحاربهم بطريقتي".
وأضافت: "جيت أجيب له هدية زعل، وقاللي: إنتي بتشتميني!! دا أنا عم الشهيد، وصعب عليا قوي، وكان هاين عليا ساعتها لو أشوف أي إرهابي قدامي أموته؛ بسبب حرماننا من الشهيد، وأوجه له الشكر على اللي عمله".
كان فستان "سما" في حفل افتتاح مهرجان القاهرة السينمائي الدولي في دورته الـ38، مساء أمس، قد أثار ضجة كبيرة، وحرصت "سما" على الحضور للمرة الأولى في مهرجان سينمائي دولي بعد تركها السياسة نهائيا.
