مستخدمو «فيس بوك» يكشفون أسباب الطلاق.. أمنية: «سوء الاختيار».. غادة: «تدخل الأهل».. أميرة: «مواقع التواصل».. محمود: «الوضع المادي».. ودودي: «إن
روى مستخدمو موقع التواصل الاجتماعى «فيس بوك»، أشهر أسباب الطلاق في الأيام الحالية من خلال صفحة «برايد جروب»، والتي كانت متنوعة حسب وجهة نظر كل شخص، وذلك بعد ازدياد حالات الطلاق.
- تدخل الأهل
قالت غادة: "العناد وتدخل الأهل والبعد عن المعاملة اللي ربنا أمر بيها الزوجين"، وأضافت حنان: "أن مفيش راجل حقيقى يتمثل فيه معنى الرجولة".
- سوء الاختيار
وقالت أمنية: "سوء الاختيار السبب الأول وطبعا تدخل الأهل"، وأضافت سمبا: "شخص ما ينفعش تعتمد عليه".
- الخيانة
وقال محمود: "قلة الاهتمام.. الخيانة.. الوضع المادي"، وأضافت مي: "مش فاهمين الجواز صح مفيش تحمل مسئولية، قلة التقدير محدش بيطول باله على التاني، أعتقد يعني تتعدد الأسباب والنهاية واحدة"، وقال أحمد: "عدم الجدية وتحمل المسئولية من الطرفين".
- الإدمان
وأضافت ضحى: "تكتشف أن جوزها مدمن وبتاع ستات"، وقالت آلاء: "تدخل الأهل والله هما اللى بيخربوا البيوت".
- عدم التفاهم
وأضافت يمنى: "عدم التفاهم واختلاف الطبع وطبعا الخيانة"، وقال محمد: "تدخل الأهل.. العناد.. العصبية.. طرف تالت ودايما بتبقى أنتيمتها المعقدة من كل حاجة".
- السوشيال ميديا
وأضافت أميرة: "أكيد الخيانة بسبب السوشيال ميديا اللى إحنا فيها، بيبقي فيه شباب متجوزين ويتكلمو مع بنات على الفيس ويبقى مشغول عن حياته الأساسية اللي هي مراته وأولاده مش عارفة ليه الحياة بقت كدة الواحد اتعقد ومبقاش لينا نفس.. حتى إننا نشوف أو نكلم حد نتعرف عليه ونتجوز وكل ده يسبب نسبة الطلاق"، وقالت دودي الشامي: "إن جوزك مصري".
