سما المصري ترتدي الحجاب: «مش لازم كل حياتنا تبقى ذنوب»
نشرت الفنانة الاستعراضية سما المصرى صورة لها بالحجاب اليوم الجمعة، عبر حسابها الشخصى على موقع الصور والفيديوهات الشهير "إنستجرام"، وعلقت عليها قائلةً "كان يوم جميل صليت الجمعة في الجامع.. حلو جدا الصلاة في الجامع.. يارب بس الواحد ما يتشغلش عن الصلاة تاني.. مش لازم في الجامع ممكن في البيت عادي وأنت واقف أو وانت قاعد أو حتى صلي برموش عينيك".
وتابعت: "مش لازم كل حياتنا تبقي ذنوب وشعر مكشوف ولبس مفتوح أكيد في طاقة نور موجودة جوانا نفتش عنها وهنلاقيها ومش لازم تبقي موجودة على طول لا ممكن ذي ما بيقولوا ساعة لقلبك وساعة لربك إلى حين يحسن الله خاتمتنا طبعا الاستظراف هيبقي بالهبل دلوقتي في التعليقات خدوا راحتكم عادي أنا اتعودت على كده ابدأوا الهجوم يلا هو طبعكم ولا هتشتروه".
يذكر أن سما بدأت مؤخرًا في أول أعمالها الخيرية من الجولة التي خططت لها من أجل خدمة المجتمع المدني، وجمع التبرعات لمستشفيات مختلفة في مصر، وتبرعت بالدم لصالح مستشفى 57357، ومن المقرر أن تستكمل جولتها بعدد من محافظات مصر خلال الفترة المقبلة.
