بهلول المشغول: أنا دكتور في الحكومة

واحد اتنين سرجي مرجي
أنا دكتور ولا تمرجي
أنا دكتور في الحكومة
حقنتي دايمًا مسمومة
وعملتي عايمة ومخرومة
رحت أجيب لبن الأطفال
لقيت الرز مولع نار
ولجل مزاجكو ما يتعكر
جبتلكم أزمة سكر
البنزين أنا غليتو
وفي الكباية حطيتو
وفضلت أغلي في الأسعار
لحد السوق ما ولع نار
والجنيه أنا عومتو
علشان يغلب الدولار
رحت أزورك يا نبي
يا للي بلادك بعيدة
فيها أحمد وحميدة
حميدة في البرلمان
قالتلي ولعها كمان
ولما فار فـ عروقي الدم
رحت رافع عنكو الدعم
لكن اللي مجنني
إن الشعب زعل مني
والرئيس كمان زعلان
ومـ الحكومة هيشيلني!!