بهلول المشغول: أنا المواطن مصري
وأنا خدت منك إيه
علشان تقولى اصبر
أنا عبد الرغيف يا بيه
وأسير لكيس السكر
لا بحاسب حد عمري
ولا رحت سوق نخاسه
ولا بوقف تحت كوبري
ولا ليا في السياسة
مركبتش عمري توك توك
وصرخت ع الشاشات
ولا حتى فيك بشكك
ولا بشكى مِـ الأزمات
لكن في نفسي شايل
وخايف مِـ الجايات
وأنت بتعمل عمايل
وتغلي سعر الحاجات
وبرضو عندي أمل
نعدي مِـ الأزمات
ومعرفش إيه العمل
لو عندي الأمل مات
كفاية بقى ألعاب
أنا صرختي مكتومة
هلاقيها مِـ الإرهاب
ولا من فشل الحكومة
أنا المواطن مصري
واسمي كمان بهلول
وأديك عرفت اسمي
وعنواني مش مجهول
