بهلول المشغول: ما تقولي رايحة لفين؟!!
شهر النصر
وعبورك يا مصر
في عز ضهرية
من غير عدد ولا حصر
هزمتي العدو
بعزم وتكبيرة
التار ابنك خدو
ورجعتي لنا أميرة
سنين تفوت وتمر
يا زاينه بستانك
وابنك ماعدش حُر
ولا سايعُه مكانك
ضقتي علينا ليه
ولميتى دراعاتك
بقيتي تاكلي باتيه
وابنك هنا عاكك
وظيفه فيكي ما فيش
ولا حتى حريه
غليتي علينا العيش
وبقيتي نكديه
بتقسمي فـ ولادك
وبتعملي كدا ليه
واحد بياكلها حاف
والتاني عامل بيه
واللي زاد المصيبه
إنك بتيجي عليه
تضيفي عليه ضريبه
وأخونا البيه تعفيه
صدقنا وعدك لينا
وقلنا هتحنو علينا
أتاريكى زي ما أنتي
غاويه تلعبي بينا
وللا إحنا مش فاهمين
وعليكي مستعجلين؟؟!
ولو كان هو دا حالنا
ما تقولي رايحة لفين؟!!
