تفاعل غير مسبوق لنشطاء مواقع التواصل في «أنا خريج توك توك»..عمو تيفا: «أقسم بالله عيني دمعت لما سمعته».. محمود: «لخص اللي جوانا».. ناصر: المثقف الوطني سواق توك توك.. عماد

سادت حالة من التفاعل غير المسبوقة على مواقع التواصل الاجتماعي "فيس بوك وتويتر" حول سائق التوك توك الفصيح، الذي عبر في بضع دقائق عما تعانيه مصر في وقتنا الحالي، من فشل في منظومة التعليم والصحة وإدارة الاقتصاد، وفق ما ذكره سائق التوكتوك مع الإعلامي عمرو الليثي في برنامج واحد من الناس.

وانتشر فيديو سائق التوكتوك انتشار النار في الهشيم، ودشن النشطاء هاشتاج "أنا خريج توكتوك"، الذي تصدر "تراند" مصر على تويتر، ليؤكد النشطاء أن سائق التوك توك عبر عما يريدون قوله.

عينيا دمعت
وقال عمو تيفا: "سواق توكوك مصر.. من100سنة اليابان كانت بتدرس النهضة المصرية وبريطانيا بتستلف مننا يبقى حالنا كده.. أقسم بالله دمعت وأنا بسمعه على الحال اللى وصلنا ليه".

وأضاف محمود:"لخص كل اللي داخل كل واحد فينا... أنا خريج توك توك".

وعلق ناصر لطفي: "هي دي مصر؛ لما يبقى المثقف الوطني سواق توك توك".

وردت سومة آل عقيل: "تعكس هذه العبارة أن بسطاء مصر خُريجو جامعات ومؤهلات عليا لكن قسوة الحياة جعلت منهم سائقي توك توك.. أنا خريج توك توك".

وتابع أمير حسن: "نتفرج على التليفزيون نلاقيها فيينا.. تنزل الشارع نلاقيها بنت عم الصومال.. أنا خريج توك توك".

إحساس الناس
وقال أحمد خطاب: "كلام سواق التوك توك مش عاجبك؟ أنت حر، بس لما كلامه يتصدر مواقع التواصل الاجتماعى بالشكل ده يبقى ده احساس أغلب الناس.. أنا خريج توك توك".

وأضاف أحمد ناصر: "اللي عاوز أفهمه ازاي أحمد موسى ده إعلامي.. وده خريج توك توك.. أنا خريج توك توك".

وقال حسام الدين على: "أنا خريج توك توك: هذا الشاب يطمئنني أن هذيان أحمد موسى لم يستطع أن يطمس الواقع، أو يغير قناعات جيل سيأتي بالتغيير حتما".

وأضاف محمد النرويجي:"هيقبضوا عليه بتهمة نشر مناخ تشاؤمي.. أنا خريج توك توك".

ورد أحمد حماد:"أنا خريج توك توك.. الناس كلها فاض بيها من اللي بيحصل".

وتابعت إسراء عصام:"طيب أدوا حرية للشعب ينطق يتكلم يكاكي زي الفراخ حتى، وهتسمعوا اللي عمركوا ما سمعتوه..الشعب فاض بيه".

تكلم بلسان الملايين
وقالت كريمان أحمد: "اتعلمنا من كتر الاحتياج واللف في الشوارع على الرزق.. اتعلمنا واتعلم علينا.. أنا خريج توك توك".

وأضاف عماد العائد: "أنا خريج توك توك.. احتمال يومين ونلاقي الراجل طالع في برنامج بيصلح غلطته".

وقالت ميروو:"أنا خريج توك توك ده ياحكومة واحد أتكلم بلسان ملايين الشباب إحنا جوانا كتير، إحنا مابنخافش وطاقتنا مش هتقف مهما حاولتوا تحبطونا، دى بلدنا إحنا".