خالد حنفي لمهاجميه: «ربنا اللي بيحاسب ويجازي على النية»
وجه الدكتور خالد حنفي، وزير التموين السابق، رسالة لمنتقديه قائلًا: "ربنا لما بيحاسب بيحاسب اللي نوى يعمل ثواب، ولما بيعمله بياخد الحسنة بعشرة أمثالها، يعني بيجازي على النية، وياريت منفقدش الثقة في نفسنا".
وأضاف حنفي: "إحنا طورنا التجارة الداخلية، وأنشأنا طاقات تخزينية كبيرة، واللي موجودين هيكملوا.. وياريت منفقدش الثقة في الناس، مش لازم نبقى شايفين البني آدم يا إما فوق خالص يا إما تحت خالص.. أنا مكنتش متخيل إن فيه ناس قد كده بتحبني بعد أن تركت الوزارة، وخاصة الطلاب، ولن تتقدم مصر إلا بتقديم أصحاب العلم والفكر".
ووجه "حنفي" في أول ظهور إعلامي بعد استقالته خلال برنامج «كل يوم»، على قناة «أون تي في»، تقديم عمرو أديب، قوله لمن يهاجمه وينتقده: "مش لازم نعيش في خناقة، لازم نتصالح عشان نعرف نعيش، الفساد برج كبير، إحنا كسرنا دور أو اتنين، بس اللي باقي كتير والبناء صعب".
