بالفيديو.. مواطنو القاهرة عن إنهاء أزمة القمامة في 2017: كلام وخلاص
بات انتشار القمامة في الشارع المصري، أزمة كبيرة تطال الجميع، فلم يعد إهمال جمع القمامة من الشوارع مقتصر على الأحياء البسيطة أو الفقيرة بل امتد ليصل إلى الأحياء الراقية والعريقة.
وفي تصريحات صحفية سابقة كان محافظ القاهرة الجديد قد تعهد للمواطنين بحل أزمة القمامة بحلول عام 2017، بالتزامن مع انتهاء تعاقدات شركات النظافة الأجنبية في مصر وعودة "الزبالين" إلى جمع القمامة من المنازل مرة أخرى.
واستطلعت عدسة "فيتو" رأي المواطنين حول مدى ثقتهم في وعد محافظ القاهرة حول انفراج أزمة انتشار القمامة.
وقال أحمد، أحد مواطني محافظة القاهرة، "ده أي كلام وخلاص، ومفيش حاجة هتتنفذ، الزبالة في كل حته ومفيش دلوقتي ولا واحد زبال بييجي يخبط على باب شقة ولما بنلاقي زبال في الشارع بنديله 5 جنيه عشان ياخد الزبالة والناس اللي مش معاها فلوس بترميها في الشارع وبتيجي عربية الحكومة تشيل الزبالة تاني يوم الصبح بتبقي أد اللي شالتها عشر مرات".
وأضافت سامية، ربة منزل: "الزبالة ممكن تنتهي في مدة سنة بس ياريت ده يتنفذ والزبالة من الشعب، هو اللي عايز كده والناس بتروح ترمي الزبالة في الشارع ومش بيلتزموا بالأماكن المخصصة لها".
وقال توفيق: "غالبية الناس بتعمل بنظرية وسخ الشارع بس البيت يفضل نضيف.. شركات الزبالة مش عليها الذنب لوحدها الشعب مسئول برضه وكتير منهم مهمل وبيتعمد أنه يرمي الزبالة في الشارع لحد ما شوارعنا بقت منظرها سيئ".
