بالفيديو..ريم مصطفى: «عايزة يتقال عليا ممثلة مش بنت حلوة»

قالت الفنانة ريم مصطفى، "إنها تقدمت لاختبارات أداء مسلسل «هبة رجل الغراب»، واختارت مشهد للفنانة نبيلة عبيد في فيلم «شادر السمك» وهي تصرخ وتسب".

وأضافت خلال لقائها ببرنامج «صاحبة السعادة» تقديم الفنانة إسعاد يونس المذاع على فضائية «cbc»: "غطيت شعري بمنديل، وكنت خايفة أوي يحكموا عليا من شكلي.. كنت عايزة يتحكم على أدائي، فعلا عشان كنت بحب التمثيل بس معرفش بعرف أمثل فعلا ولا لأ".

وأشارت إلى أنها قد أدت، قبل هذه الاختبارات، تجربة أداء للعمل كمذيعة في إحدى القنوات الفضائية، وعبرت: "مكنتش رايحة عايزة أبقى مذيعة كنت عايزة أجرب أقف قدام الكاميرا"، قائلة " كنت مبسوطة أن من ضمن الأدوار اللي عملتها في رمضان اللي فات دور واحدة منقبة في أحد المسلسلات عشان هيعتمد على الأداء..عايزة يتقال عليا ممثلة شاطرة مش بنت حلوة".