"سانتامين" تحصل على 256 مليار جنيه من ذهب منجم السكرى
![ذهب منجم السكرى](images/no.jpg)
فجر أحد العاملين فى مجال البورصة العالمية مفاجأة للشركة المسئولة عن استخراج الذهب بمنجم السكرى، وهى أن شركة "سانتامين" المسئولة عن المنجم تمتلك ما يزيد عن 23,606,303 أوقية فى كامل رأسمالها بالسوق العالمية، وذلك وفقًا لموقع "24hgold".
وقال الشاهد الذى ينتمى لمدينة القصير بمحافظة البحر الأحمر فى صفحة "عايز حقى فى منجم ذهب السكرى يا عصابة المجلس العسكرى" على "فيس بوك": "الذهب بتاع الشركة بيسافر على كندا على أساس إنه يتصفى وتطلع منه نسبة مصر، وده كلام كذب طبعًا؛ لأن الذهب بيدخل البنوك هناك ومنه على سوق البورصة، الخريطة فى موقع "24hgold" بتوضح أن الشركة دى مفيش معاها على مستوى العالم غير منجم السكرى فقط".
وأضاف: "إذا كان رأس مال الشركة فى السوق العالمية من الذهب المستخرج من المنجم ده فقط يعنى حقنا الشرعى بناء على رأس المال ده اللى هو عدد الأوقيات بتاعتها فى السوق 23,606,303 أوقية × سعر الأوقية الآن 10858.48 = 256,328,568,999 جنيه ( 256 مليارًا و328 مليونًا و 568 ألفًا و 999 جنيهًا).
وكشف أن الشركة اسمها سانتامين" ticker cey" رمزها فى سوق البورصة هو cey cey.l.
واستطرد الشاهد: "أنا من القصير بالبحر الأحمر، وشركة "سانتامين" الأسترالية هى الشريك مع الشركة الفرعونية اللى متواجدة فى المنجم مجرد غطاء خارجى فقط، والشركة المسئولة عن المشروع كله هى "سانتامين" شركة أسترالية رمزها فى سوق البورصة cey، والشركة الثانية فى الشلاتين اسمها ثانى دبى، ومعاها شريك ثانى اسمه أنجلو جولد، عرضوا على مصر فى العقود نسبة كبيرة، أو بالتحديد نسبة شرعية على حسب السوق العالمية وهما فى مرحلة الاستكشاف والبحث".
وأردف: "أنا بقول المعلومات دى لأنها حقيقة؛ لأنى أعمل فى مجال البورصة العالمية، وكل المعلومات دى حقيقى مافيهاش كذب".