طلاب «حقوق القاهرة» عن إعادة الامتحانات: «حسبنا الله ونعم الوكيل»
![الدكتور جابر نصار](images/no.jpg)
أثار قرار جامعة القاهرة برئاسة الدكتور جابر نصار، بإعادة امتحان «القانون التجاري» لـ ٢١٨ طالبا بالفرقة الثالثة بكلية الحقوق بعد أن فقدت أوراق إجاباتهم، غضب العديد من طلاب الكلية.
ونشر أدمن صفحة «نشرة أخبار حقوق القاهرة» منشورا يوضح استياء الطلاب من القرار قائلا: «عندنا في الكلية بعد ما الطلبة الغلبانة ذاكرت وتعبت ودخلت امتحنت في جو مش بتاع امتحانات، وبعد ده كله ورق الامتحانات يتسرق، يقوموا يعاقبوهم على غلطة مش بتاعتهم، وهيخلوهم يمتحنوا المادة تاني، يعني يذاكروا تاني، وتعب تالت ورابع وخامس.....».
وعلقت "ليلى" طالبة بالكلية قائلة: «يعني المفروض يذاكروا تاني عشان غلطة مش غلطتهم»، وأضافت دعاء وليد: «هنقول إيه غير حسبي الله الوكيل»، بينما أعرب «بيبو علام» عن استيائه قائلا: «أقسم بالله كلية متخلفة وعاملين نفسهم بيفهموا من غير أي فهم... الله يكون في عون الطلبة».
وقال طالب آخر: «هو مفيش حد في مجلس الكلية بيحس بالطلبة ليه، يعني إيه الكلية تقترح إن الامتحان يتعاد تاني، يعني تضيعوا الورق وتقولولنا نعيد الامتحان، ذنبنا إيه إحنا نقعد نذاكر تاني في الإجازة.. حسبي الله ونعم الوكيل».
وكانت أوراق الإجابات قد اختفت من قبل المصحح وقررت الجامعة إحالة الأمر للنيابة العامة ومجلس الدولة ومازال الأمر قيد التحقيق، وأعادت الجامعة الامتحان حفاظا على مستقبل الطلاب حتى صدور أمر النيابة.