النشطاء يردون على اعتذار إيناس خورشيد: «فخورين بك أنت نجمة»
أثارت تدوينة الاعتذار التي كتبتها لاعبة المنتخب المصري للمصارعة للحرة إيناس خورشد، لإخفاقها في الحصول على الميدالية البرونزية وخسارتها أمام نظيرتها بطلة كازاخستان في أوليمبياد ريو 2016، ردود أفعال رافضة لاعتذارها ومؤكدة أنها حققت نصرا كبيرا بوضع اسمها في سياق المنافسات العالمية.
وكانت إيناس خورشسد قد كتبت تدوينة على فيس بوك معتذرة للمصريين فقالت "أنا أسفة بجد كان نفسي أفرح مصر كلها وأعمل ميدال في Olympic Games بس محدش عارف حاجة.. محدش عارف إحنا تعبنا واتبهدلنا أد أيه قبل السفر.. محدش عارف إننا ما اتعملناش إعداد خارجي أصلًا غير 15 يوم.. ده غير الحاجات التانية إل لو قلتها في ناس كتير هتزعل مني كل ده اجتهاد شخصي مننا.. بنحفر فالصخر.. لوحدنا بعتذر لكم جميعا للمرة التانية.. كان نفسي افرحكو".
فما كان من النشطاء والمتابعين للاعبة المصارعة الحرة إيناس خورشيد إلا أن طلبوا منها عدم الاعتذار، وبادروا بتهنئتها لتحقيقها المركز الخامس في أوليمبياد ريو 2016.
وقال أوميجا مروان: "ولا يهمك أنت بطلة وكفاية الروح اللى أنت كنت بتلعبى بيها وكنت قريبة أوى من الفوز لكن الحمد الله ومنتظريين منك الأحسن".
وأضافت مني سمير: "مهما كان أنت بطلة وعملتى متشات جميلة أنت بطلة نجمة مصر فخورة بيك ياحبيبتى".
وقال محمد حمدي جاد: "شكرا إيناس أنت فخر لينا كلنا وشرفتينا".
وعلق لن أنساك: "مين قالك أن إحنا مش فرحنا مين قالك إنك ماعملتيش حاجة يانجمة عارفة يعني إيه خامس عالم يعني اسمك الخامس وسط عمالقة العالم، إنجازك مشرف وأخلاقك مشرفة والله إحنا اتفرجنا على الماتشات جميلة ولعبتي كويس وفوزتي في ماتشين مبروك يانجمة من حقك تفرحي وسلامي للبرنس".
وتابعت رويدا السيد: "من غير اعتذار أنت بطلة ويكفي إنك شرفتينا وحاولتي.. عاش أنوسي ودي دافعة للدهب ف الأوليمبياد اللي جاية إن شاء الله".
