بالفيديو.. جزار للحكومة:«لو عاوزين تحلوا مشكلة اللحمة بطلوا ذبح الإناث»
أنثى الماشية هي الثروة القومية التي يجب المحافظة عليها من أجل ازدهار الثروة الحيوانية في مصر، ولكن الفاجعة هي قيام الجزارين بذبح أنثى الماشية خاصة في سن صغير "لبانى وبناتى وعزب".
ومن جانبه، قال نزين العابدين، صاحب محل جزارة، في هذا الصدد: «نصيحة لوجه الله لو عاوزين تحلوا مشكلة اللحمة بطلوا ذبح النتيان والمراكب بتيجى من بره مفيهاش نتاية واحدة عشان الأجانب عارفين قيمة النتاية فهى أساس الثروة الحيوانية، وعشان هما عاوزين السلالة أما احنا هنا بندبحها وفى بطنها الجنين كمان، احنا عندنا اللى يكفى البلد دى، ونصدر كمان بس نبطل دبح إناث واللى بيدبح إناث متهرب من الضرايب ومتهرب من المدبح وبيدبحوا آلاف كل أسبوع» .
وأضاف سالم: «ذبح الإناث حرام والمفروض وزارة الزراعة تشدد على الموضوع ده، والنتاية متدبحش ولا البتلو ونستجوب الناس دى عشان نصلح البلد لو النتاية مدبحتش في خلال سنة تولد تانى ويبقوا اتنين والبتلو اللى بيدبح وزن 50 كيلو في المدبح يبقى متين يبقى زاد عندك 150 في المية في السنة شوف بقى سنتين تلاتة يبقى عندنا لحمة أد إيه ولا نستورد ولا ناكل لحم مسرطن».
