المطرب «أم سي أمين» يعلن اعتزاله فن الراب

أعلن مطرب الراب أحمد أمين الشهير بـ«إم سي أمين»، عن اعتزالة فن وموسيقي الراب، وهو ما أثار غضب جمهوره بشكل كبير، فيما تضامن معه الكثير من مطربي الراب للرجوع عن الاعتزال.

وقال "أمين" عبر حسابة الرسمي على موقع التواصل الاجتماعي «فيس بوك»: «صباح الجمال ياجدعان، أنا مش عارف أبدأ معاكوا الكلام منين أو إزاى، الموضوع بكل اختصار إني أخذت قرار وعاوز أقوله لكل الناس، سواء اللى بيحبني أو بيكرهنى، على المستوى الشخصي أو الفني».

وأضاف "أمين": «أنا خلاص خارج من لعبة الراب ومجال الهيب هوب بشكل نهائي، والقرار ده كان صعب قوى بالنسبالي، بس الأسباب كانت أصعب بجد وسامحونى إني مش هقدر أقول أكثر من كدة حاليًا».

وتابع: «أنا ماشي وسايب استوديو.. الاستوديو في المنصورة لمساعدة أي موهبة محتاجه دعم علشان تقدر تطلع شغلها للنور وتاخد فرصتها».

في النهاية قال: «عاوز أشكر كل الناس سواء اللى دعموني أو اللى حاربوني على مدى 10 سنين في المجال ده لأنكم فرقتوا معايا كتير وكنتوا حافز قوى للاستمرار».