عمر طاهر يشن هجومًا شرسًا على مشتري الكتب المزورة
هاجم الكاتب عمر طاهر بضراوة مشترى الكتب المزورة، وأكد رفضه من يبرر لنفسه شرائها بحجة ارتفاع أسعار الكتب، وشبهه بمن يبرر السرقة بحجة صعوبة الحياة، بحسب ما جاء في تدوينة له على صفحته الشخصية بموقع التواصل الاجتماعى "فيس بوك" نشرها منذ قليل.
وجاء نص التدوينة، "تبرير شراء كتاب مزور علشان الكتب غالية هو مبرر أي حد سرق علشان يعيش أو انحرف عشان الحياة صعبة، الكتاب الأصلى بيصرف على مصمم أغلفة ومراجع لغة وعامل مطبعة وسواق نقل ومحاسب وبياع وصاحب مكتبة وناشر وموزع وتاجر ورق وأخيرا كاتب.. أنت تختزل كل ده ف مزور عنده مطبعة.. أنت شريكه ف السرقة".
وقدم عمر طاهر الحل لمن يقتنى الكتب المزورة قائلا: قاطع الكتب لو غالية.. قاطع المؤلفين ودور النشر.. لكن هتسرق مجهود الناس؟ يبقى أنت ما تعلمتش حاجة من القراءة أصلا ولا فرقت معاك بشلن وتبريراتك بجاحة أو جهل على أقل تقدير".
واختتم طاهر رسالته، الواحد ككاتب كان بيتسامح مع الموضوع بس بعد ما بقى خراب بيوت لدور نشر ومكتبات.. بقى واجب على كل واحد يأخد باله.
