بالفيديو.. أغرب إجابات الشباب عن سؤال: «فيه بنت عاكستك قبل كده؟»
أصبح المجتمع المصري، في الآونة الأخيرة، يعج بالعديد من الظواهر الجديدة والتي تبدو غريبة على مجتمعنا العربى الشرقى المحافظ، ومن بينها التحرش أو المعاكسات من جانب الشباب للفتيات، إلا أننا نرصد في التقرير التالي قيام الفتيات بمعاكسة الشباب في الشارع، هذا الأمر الذي انتشر مؤخرَا، فهل يقبل المجتمع هذه الظاهرة ويتأقلم معها أم يلفظها؟.
استطلعت «فيتو» آراء بعض الشباب عما إذا كانوا تعرضوا للمعاكسة من قبل بنات من قبل أم لا، وما هو رد فعلهم، وجاءت الإجابات كالتالي:
قال أحمد، "آه اتعاكست قبل كده واستغربت أنا مبعكسش يبقى انتي بتعكسي إزاى"، وأضاف حسن "آه كتير معاكسات عادية يعنى".
وأضاف محمد "آه كتير كان فيه حد بيبعتلى كلام مع ناس في بنات صرحت إنها معجبة وكدا بس مبحطش في دماغى عشان كلمة بحبك دى صعب تطلع لأى حد وكنت بتجاهل".
وتابع أيمن، "لا ولو حصل هتكسف"، وأوضح أحمد "آه بتحصل وعلى فكرة أنا بتعجبنى البنت اللى بتعمل كدا بس لازم يكون عندها عقل مش مندفعة بس مش أي بنت تكلم أي حد ومش أي ولد يكلم أي حد من أيام سوزان مبارك وأصبح فيه انفلات في الحياة العامة".
وتابع حسين "آه فيه بنت الجيران وكانت بتبصلى وتضحكلى كده اللى هو إيه مش هتكلمنى بقى ولا إيه، ورد فعلى كنت ببقى محروج أوى".
ومن جانب آخر، قالت منى "لا طبعا أنا أتعاكس بس مبعكسش"، واختتمت هاجر "لا دول معفنين كلهم".
