المخابرات اخترقت الجماعة و"خدت" أجهزتها يا رجالة بالإنجليزى!!
علمت وكالة "هريدى نيوز" من مصدرها الفشار أن الشاطر أوى أصيب بأزمة قلبية من كام يوم، وطبعًا محررنا الحشرى رايح جاى يقرر فى المصدر الفشار لحد ما قالّه إن المهندس اتذبح، قصدى جات له ذبحة صدرية بعد ما عرف إن المخابرات المصرية خدت من الدور الأخير لمبنى الجماعة بالمقطم شوية أجهزة تنصت وأتلفت الباقى اللى تمنهم يقترب من مليارى جنيه.
يؤكد المحرر أن مصدره الفشار قال: إن الشاطر أوى حلف براس أبوه ليعلمهم الأدب، ويعين لهم البلتاجى رئيس للجهاز خلال أسابيع قليلة.
