«أصول بالعربي» أول موقع في مصر لتعليم الموسيقى
فاجأ المطرب هاني عادل، مؤسس فرقة «وسط البلد»، عشاق ومحبي الموسيقى، بالإعلان عن أول موقع لتعليم الموسيقى.
وقال هاني عادل عبر حسابة الرسمي عبر موقع التواصل الاجتماعي «فيس بوك»: « للمزيكاتيه والمهتمين بالمزيكا بشكل عام، من زمان نفسنا في حاجه تعلمنا بطريقه بسيطه الجيتار، والعود، والبيانو، والناي، وحاجات كتير قوي قوي تانيه، ولما ظهر يوتيوب كان بالنسبه لنا حاجه هايله واتعلمنا منه حاجات كتير جدا وبقي فيه عندنا في مصر موسيقيين بدون مبالغة مش أقل من أي موسيقيين بره بل وفي كمان أحسن منهم بكتير».
وتابع هاني: «المهم كانت بتقابلنا برضه أزمة كبيرة اللغة مش كل الناس بتعرف تفهم الإنجليزي كويس، وفى بعض الأوقات تكون غير قادرة على معرفة البداية، ولا تستطيع من أين تكون البداية، وعدم وجود من يصحح الخطأ».
وأضاف: «الحاجة الحلوة اللي حاصلة دلوقتي في مصر وهي حاجة عاملها صديقي وأخويا لطفى هي موقع جديد على الإنترنت تقدر تتعلم فيه من ناس شاطرة جدا وكواليتي عالية جدا صوت وصورة وكمان بالعربي مش كده وبس لا، ده كمان هيبقي في طرق أن حد يتابع معاك مستواك ولو مستواك بقي حلو هيفرولك كمان فرص أحسن وأكتر للتعليم وللشغل مع فرق معروفة أو ناس انت حابب تقعد وتتعلم منهم»، وأشار إلى أن الموقع تم إنشاؤه تحت اسم «أصول بالعربي».
