بالصور.. غضب جمهور محمد رمضان لشرائه سيارتين فارهتين.. أحمد: «نفسى في توك توك».. هدى: «بلاش استفزاز».. ياسر: «إدينى فردة عجل».. خالد: «فيك حاجة غلط».. وشيتوس: &

أثارت صور السيارتين الفارهتين اللتين اشتراهما الفنان محمد رمضان، ضجة على صفحته الشخصية بموقع «فيس بوك»، بعدما تبين أنهما من أغلى أنواع السيارات.

ونشر «رمضان»، صورة خاصة له بعد شرائه السيارتين، لمشاركة الجمهور فرحته، قائلًا: «الحمد لله.. اشتريت أمس السيارتين الأقرب إلى قلبى، لامبورجينى أفنتادور & رولز رويس جوست، بحب أشارك جمهورى كل اللحظات الحلوة في حياتى».

غضب الجمهور
انتقد عدد كبير من الجمهور قيام النجم محمد رمضان بنشر صور لأحدث سيارتين من طراز "لامبورجيني أفنتادور، ورولز رويس جوست"، وذلك بسب ارتفاع سعرهما، الذي استفز قطاعا كبيرا من الناس في ظل الأزمات الاقتصادية وغلاء المعيشة.

توك توك
علق أحمد منصور قائلًا: " يااااا رب أنا مش عايز عربيات زي دي، أنا عايز توك توك أفسح عليه العيال ذهابا وإيابا يااااا رب ".

قهر
وعلقت سارة صلاح ناصحة محمد رمضان قائلة: "أوك مبروك عليك...بس أنت اكتر جمهورك من الشعبيين فقراء أكيد دى حاجة تقهرهم مش هتفرحهم حتى لو بيحبوك".

الحسد
ونصحت ندى عرفات "رمضان" قائلة: "استعينوا على قضاء حوائجكم بالكتمان فإن كل ذي نعمة محسود''.

استفزاز
كتبت هدى: "ما شاء الله مش عربية لا اتنين وطبعا بملايين وناس تانية بتعمل جمعيات علشان تعرف تتجوز وناس بتتنطط في الميكروباصات وناس مش لاقية تاكل بجد بلاش استفزاز للناس بالصور دى وكفاية أنت بتبوظ أخلاق جيل بأفلامك ومسلسلاتك".

أدينى فردة عجلة
وتمنى ياسر لو أن محمد رمضان يعطيه "فردة واحدة" من عجلات العربية لتحقيق حلمه، قائلًا: "أنا لو معايا تمن فنوس من العربيتين دول أو تمن الإشارة بتاعتهم بس هحقق كل أحلامىD:D هات عجلة منهم بس فردة واحدة ابعها واجبلي فيات والله هنبسط اووي".

بتهدم أخلاق وتفسد العقول
وقال خالد محمد: "مش عارف جت إزاي كده وانت اللي بتهدم وهما اللي بيبنوا ويحلوا، أنت بتهدم أخلاق وبتفسد عقول وهما بيبنوا بيوت ويحلوا مشكلات المكان اللي هما فيه، بس اللي أنا أعرفه أن أكيد فيه حاجة غلط!".

صبح على مصر بجنيه
وعلق شيتوس شيتوس قائلًا: "ماشي يا نجم متنساش تصبح على مصر بجنيه بقي، واللا الغلابة المطحونين اللي مش لاقيين ياكلوا هما اللي يصبحوا بجنيه وحضراتكم تقعدوا في كامبوند وتركب عربيات والله ماعرف اكتب اسمها أصلا ".

فرق كبير
بينما قارن عدد من معجبى رمضان بينه وبين عدد من الفنانين والنجوم كأبو تريكة، فقالت هويدا سالم: "الله يحفظ أبو تريكة ربنا كرمه فتواضع، وأكرم الكثير من المحتاجين ربنا يكفيك شر الظالمين، يكفي أنه بأخلاقه قدوة لأصحاب الضمائر الحية بيبني أخلاق ودين، فرق كبير بينه وبين واحد بيهد قيم وأخلاق".