والدة شقيقين مخطوفين بليبيا: «طالبين 12 ألف دولار عشان يرجعوهم»
قالت والدة الشبان «أحمد الشحات 23 سنة، والسيد الشحات، 27 سنة، من أبناء قرية البقلية التابعة لمركز المنصورة بمحافظة الدقهلية، واللذين تم إختطافهم من قبل مليشيات ليبية أثناء عودتهما إلى مصر منذ يومين: «أنا جالي اتصال من واحد اسمه أحمد وقالى عاوزين 6 آلاف دولار على كل واحد من عيالك عشان نرجعهملك مصر».
وأضافت: "ولادى سافروا من شهر يناير اللي فات وكانوا رايحيين يشتغلوا وابنى أحمد سافر بعد الخطوبة وكان راجع يتجوز وابنى الثانى متجوز وعنده طفل لسة مولود ولم يره أبدا".
وبدموع تنهمر من عينيها حزنا على أولادها، قالت: «ولادى كانوا راحين ياكلوا عيش بالحلال ومعييش 12 ألف دولار أدفعهم عشان يرجعهم بناشد المسئولين في البلد يرجعولى عيالى».
يذكر أن الميليشيات الليبية اختطف 5 من أبناء قرية البقلية التابعة لمركز المنصورة أثناء عودتهم إلى مصر خلال الطريق البرى.
