أول قصيدة عن تسريب امتحانات «الثانوية العامة»

علشان بحلم وحلمى بسيط
هانونى وقالوا طفل عبيط
إهانة وضرب ف الشارع
وجيش نازل بسوط ووسيط
وف امتحانات ووسط أصحاب
عساكر نازلة جايالنا
وداخلة بحجة التأمين
هتتكلم ﻻزم تتهان
بلد وزراء وراها حكام
وصاحبى كمان بيعتقلوه
علشان رافض يعيش متهان
ياريت ياوزيرنا تحمينا
وتضمن لينا كل أمان
لكن دى فلول وعايشة حياة
نظام فاسد بدون مباﻻة
صاحب عايش أمل ونجاة
خدوه ع القسم واتبهدل
وقال هيجيب حقوقنا معاه
عبيط مستنى من دولة
أمل يرجعله حق أهو تاه
غزال رايح لصياده
ويطلب منه حلم حياة
أكيد هيقولوا إرهابى
أبوه إخوانى .. أخوه صهيون
يعافر ضدهم تانى
يحارب لأجل حلم يكون
طالب ثانوية متعذب
مابين زنزانة وظلم سجون

الشاعر على أحمد