قلق يجتاح مواقع التواصل تخوفًا من إعادة «الديناميكا».. طالب بالثانوية: «تسريب الامتحان للمرة الثانية مسخرة».. توماس: «منتظرين قراراتك يا هلالى».. وساجدة للطلاب: «هتخ

قالت أوتروجا: "كلاكيت 2 مرة امتحان الديناميكا اتسرب.. مسخرة"، وأضاف توماس عفيفي: "يلا بقا يا هلالى مستنين احنا قرارتك..بس ياريت بسرعة عشان لو هيتأجل قولنا عشات ننام بقا في البيت.. بلا امتحانات يا راجل"، وعلق عماد إبراهيمقائلا: "الامتحان اتسرب يا بلد ".

ورد عمر حبيشي: "يا جماعة الامتحان اتعاد عشان التسريبة الأولى مكانتش عاجبة الوزير، عشان كده قرر سيادته إعادة الامتحان تسرييبا على الطالب"، وتابع محمد أشرف: "بردو الامتحان اتسرب ومشوفتهوش انا اقتنعت انى فقرى خلاص".

متسرب

وذكر سيف الشلبي: "يلا كده الاستاتيكا هي وأختها الديناميكا يشيلو بعض ونعدى"، وأضاف باسم علاء: "الديناميكا ههههه الامتحان متسرب قبلها للمرة التانية على التوازى.. عاش شاومينج ياهلالى خلى عندك دم بقا وابقى وأجل الجيولوجيا بقا عايز انام"، وعلقت ساجدة أحمد بقولها: "هتخلصوا الثانوية وتساووا معاشكم بقي ".

ورد باسل أبو الفتوح قائلا: "مبدئيا كده أنا خلاص رميت الورق ومش هعيد امتحانات تاني بقي خلاص "، وتابع أحمد الشريف:"الديناميكا.. 7000 سنة حضارة ومش عارفين نسيطر على تسريب الامتحانات".

ما تلغوها

وكتب أسامة الشرويني: "اتبرع بجنيه لسد خرم التسريبات"، وأضاف حازم حسن: "الظاهر أن العيب في الديناميكا نفسها... طب ما تلغوها.. الغوها وادوا العيال درجاتها.. أو شيلوها من المجموع كله"، وعلق ريمو خلف: " طب نذاكر جيولوجيا ولا هيتأجل تاني؟".

وردت جوجو: "امتحان الديناميكا إتسرب تانى! -أنا بقترح إن الوزارة تلغي الديناميكا أصلًا بدل ما كل شويه يتسرب كدة"، وتابع كريم عصام: "حسبي الله ونعم الوكيل طيب دة صعب جدًا وبردوا اتسرب هيتعاد بقي احنا كدة هنصلي العيد في اللجنة".

ألغوا الثانوية

وقال الشرقاوي: "الديناميكا.. يا جدعان حرام نفسي أصوم يوم... بقي امتحان ايه اللي اتسرب... واتسرب فين وامتي دا... ولما هو متسرب موصليش ليه"، وأضافت جاز حمدون: "ألغوا.. الديناميكا من المنهج وكل تسريب لمادة ألغوها أو ألغوا الشهادة الثانوية ادام مش عارفين تبطلوا تسريب".

من الرابح؟

وعلق ريمون نبيل "جهز امتحان، حدد معاده، سربه، خليهم يمتحنوا، إلغيه وبعدين جهز امتحان تاني وحدد معاده وهكذا جمعية ودايره.. الديناميكا"، ورد أحمد فريد: "لو حد غرضه من القصة ديه ربح كان خاف وهدى اللعب لكن ده تحدي للحكومة وفكك من جو شاومينج وروبن هود ده الموضوع تقليب رأي عام وتهييج".