«متضامن مع الشافعي» هاشتاج يكشف أزمة طالب ثانوي مع الأمن والمراقبين
دشن عدد من نشطاء موقع التواصل الاجتماعي "فيس بوك" هاشتاجا بعنوان "متضامن مع الشافعي"، ويحكى قصة الطالب عبد الله محمد الشافعي، الطالب بالصف الثالث الثانوي بمدينة السادات بالمنوفية، والظلم الذي تعرض له من قبل بعض المراقبين خلال امتحان التفاضل.
ويروي أحمد عطية، المسئول عن حملة "متضامن مع الشافعي"، تفاصيل الواقعة التي تعرض لها قائلًا: "عبدالله طالب ثانوية عامة دفعة 2016 مدرسة الفاروق عمر الثانوية بنين، إدارة السادات، محافظة المنوفية، عبدالله كان رايح امتحان التفاضل ومعاه موبايل، الأمن على البوابة قاله ماينفعش تدخل بيه وكانت الساعة 9:00AM، وبعدين قاله خلاص الموبايل يتقفل ومايطلعش من جيبك وماتفتحوش، عبدالله عمل كدا ودخل اللجنة والموبايل في جيبه وكانت الساعة نحو 9:10AM".
وتابع قائلًا: "بعد ماخد الورقة ولسه بيبص في الامتحان وهيبدأ كان عدى كمان 10 دقايق كدا، لقى الأمن ورئيس اللجان ومعاهم شرطة ومعاهم رئيس اللجان ورئيس الدور واتلموا كلهم ودخلوا عليه على لطول وقالوله طلع الموبايل اللي معاك، وكان قاعد في أول ديسك في وش المراقب وفي وش الناس اللي رايحة جاية في الطرقة قدام الباب، طلعه وكان مقفول خدوه منه وحرزوه ومسكوه بالعافية وكتبوا ورقة وبيقولوله امضي، عبدالله بيقرأ قبل ما يمضي لقاهم بيلبسوه وبيشيلوه الليلة ومكتوب في المحضر"تم ضبط الطالب المدعو أثناء لجنة الامتحان وهو يحاول تصوير ورقة الامتحان ورفعها على مواقع التواصل الاجتماعي".
وأضاف:" الموبايل كان في جيبه ومقفول وهما اللي جم طلعوه من جيبه، ودخلوا بالورقة قالوله لازم تمضي وهتمضي بالعافية يا إما هتشيل الليلة وماعرفش إيه والموبيل هيتشال تحت في الكنترول هنشوفه ولو مفيش حاجة هتاخد الموبايل، ورئيس اللجان قاله امضي يا عبدالله ماتخفش مش هيحصلك حاجة وده لمصلحتك وهتعدي عادي ومش هيحصل حاجة، عبدلله قال لأ قالوله هتمضي ولا نلغيلك المادة".
وأشار إلى أنه قد وصل فاكس من الوزارة لإدارة السادات التابع لها مدرسته، يفيد إلغاء كل امتحانات الشافعي وحبسه مدة لا تقل عن 6 أشهر وغرامة 50 ألف جنيه.
