غضب بمواقع التواصل بعد إلغاء «الديناميكا».. عبدالله: «شاومينج كسب وزير التعليم 2/صفر».. محمد: «حكومة فاشلة مش عارفة تحمي شوية ورق هاتحمينا ازاي»..ملك: «لما الامتحان

اجتاحت حالة من الغضب مواقع التواصل الاجتماعي "فيس بوك وتويتر" بسبب إلغاء امتحان الديناميكا وتأجيل بعض امتحانات الثانوية العامة.

ودشن نشطاء مواقع التواصل الاجتماعي هاشتاجين أحدهما بعنوان "مش هنعيد" والثانية بعنوان "الديناميكا"، ووصلا لمركز متقدم على تراند مصر في تويتر، ليؤكد طلاب الثانوية العامة من خلال الهاشتاجين رفضهم لإعادة امتحان مادة الديناميكا مرة أخرى، مؤكدين أن تسريب الامتحان تم قبل أن يبدأ بساعات، والوزارة لم تصدر قرار إلغاء الامتحان إلا بعد انتهاء وقت الامتحان، وطالب بعضهم بإقالة وزير التعليم بسبب المنظومة الخاطئة.

اتظلمت
وقال عبد الستار: "بجد الله يكون في عون أي حد كان بيذاكر ومموتش نفسه السنة دي.. احنا أكتر ناس اتظلمنا.. الديناميكا".

وأضاف أبو غزالة: "مش همتحن تانى الديناميكا.. الدولة مش قد امتحان ثانوية عامة"، وعلق أحمد إيهاب: "دولة مش قد امتحان.. الامتحانات لو اتلغت دي كاةه.. احنا طلاب الثانوية العامة.. الديناميكا".

وردت "بتر فلاي سمسمة": "ربنا ينتقم منهم الفشلة إلى مش عارفين يمشوا شغلهم حسبى الله ونعم الوكيل وزير مش قد المسئولية وفالحين تتشطروا على الغلابة.. الديناميكا".

وتابع محمد عصام: "بتعمل إيه في موسم الامتحانات؟ بنزلهم امتحانات للطلبة، وبعد الامتحانات ما تخلص؟ بعيد الامتحانات تاني.. الديناميكا".

دفعة للتاريخ
وقال أحمد محمد: "وبعدين بقي في السنة اللي مش عايزة تخلص دي!!.. ثانوية عامة2016.. دفعة للتاريخ.. الديناميكا".

وأضاف هادي الشوشا: "لو احنا طلبة بنفهم ولينا كرامة أقل حاجة ممكن نعملها أن احنا منحضرش الامتحان أصلا.. احنا مش هنفضل نشحت منهم.. الديناميكا".

وعلق عبد الله عادل: "دا كدا بقي شاومينج كسبان وزير التعليم ٢- صفر حط عليه مرتين يا عيني.. باقي الامتحانات ثانوية عامة.. الديناميكا".

وردت نيرة نشأت: "الناس كلها بتتريق وشمتانة في الوزير وهو مش خسران حاجة.. احنا اللي تعبنا وجبنا آخرنا وكنا بنعد في اللي فاضل بالساعه..ارحمونا.. الديناميكا".

وتابعت غادة الشافعي:" حسبي الله ونعم الوكيل فيك يا شيخ كنا بنعد الساعات علشان نخلص تقوم تأجلنا الامتحانات.. انت مش هتعدي السنة دي حي من دعوات الناس عليك.. مش هنعيد".

حكومة فاشلة
وقال محمد صلاة: "مش هنعيد..الامتحان علشان مش ذنبنا.. حكومتنا فشلت مش عارفة تحمى شوية ورق من التسريب أمال عايزين تحمونا ازاى حكومة فاشلة.. الديناميكا".

وأضاف مهند:"طب انتوا مش عارفين تسيطروا على التسريب أنا ذنبي إيه.... مش هنأجل الامتحانات.. ثانوية عامة مش هنعيد"، وعلق كيرو جورج: "نعم لإقالة وزير التربية والتعليم.. مش هنعيد".

ورد صلاح: "الفكرة مش في التأجيل، يعني هو لما يتأجل هنضمن منين إنه ميتسربش تاني؟ إحنا دولة فاشلة في كل ده.. أقسم بالله مش عايزين نضحك على بعض.. الديناميكا".

وتابعت ملك ملوكة: "الديناميكا..لما الامتحان متسرب من الليل متلغاش ليه في الصبح قبل دخولهم للجنة، ولا هما الطلاب يمتحنوا ويذهبوا للجان في الشمس وبعدين يتلغي".