بهلول المشغول: أنت اللى وضعت الأسئلة.. وأنت اللى سربتها

ماتتعبش نفسك في الأسئلة
وماتدورش على إجابات
ماانت اللى وضعت الأسئلة
وانت اللى سربت الامتحانات
وانا عمك "بهلول" يابيه
مقتنع باللى بقولك عليه
دا حتى المثل بيقول:
"دود المش منه فيه"
وبحكم خبرتى هقولك يامان
اللى سّرّبها ماهواش إخوان
علشان أجيبلك مـ الآخر
وكفاية شغل باذنجان
أنا ياما لفيت ودرت
حتى الزمن عليه قدرت
لكن ماقدرتش ع الحكومة
ومابين دهاليزها تُهت
بلاش بقى ترويج فـ الإشاعات
وهاتلى اللى سرب الامتحانات
يا إما تقدم الاستقالة
وبكفاية كدا أزمات
هتقولى إنهم شوية هّكّر
وعيال عالفيس وشها عٍكٍر
سربوا الأسئلة والإجابات
وانك هتجيبهم نّفّر نّفّر
أنا بقى هقولك بحكم خبرتى
لو جبتهم تبقى ياصاحبى دّكّر