سيد معوض: انتظروني مدربا.. و«بركات» ساعدني على الاعتزال
كشف سيد معوض، نجم الأهلي السابق، عن أسباب رحيله عن القلعة الحمراء، وسر اعتزاله المبكر، واتخاذه القرار بشكل مفاجئ.
وقال "معوض"، لإبراهيم فايق، مقدم برنامج "حرة مباشرة"، على راديو "9090":- "استعجلت بقرار الاعتزال، وبعد ما اتخذت القرار، الأهلي لم يستعن بي خلال الفترة دي، ولو الزمن رجع بيا تاني برضه كنت هعتزل".
وأوضح لاعب الأهلي سبب رحيله الأساسي من الأهلي قائلا: "كل سنة وأنت طيب بقى يا إبراهيم، إحنا في رمضان بقى الموضوع خلص، لكن أنا اتخذته في وجود الكابتن فتحي مبروك، كنت دايما بعيد عن حساباته، فطبعا الإحساس ده ماقدرتش أتحمله".
وأضاف: "محمد بركات من الناس اللى ساعدتني على اتخاذ قرار الاعتزال، وده كان وقت مناسب جدا ليه، وكان حظي حلو بعدها، كانت بدايتي قوية جدا في التحليل، وفرقت معايا، شغال في التحليل بقالي سنتين، وبسعى حاليا للإدارة والتدريب، وأتمنى أن أكون في الأهلي خلال الفترة المقبلة".
وتابع: "أجمل فترة قضيتها في الأهلي كانت في عهد حسام البدري، وطبعا مستر مانويل جوزيه، لكن أعلى مستوى كان في عهد البدري".
