صفحات على «فيس بوك» تدعو طلاب الثانوية العامة للتظاهر
انتشرت في الآونة الأخيرة دعوات تحث طلاب الثانوية العامة على التظاهر في كافة محافظات الجمهورية لإلغاء تنسيق الجامعات.
وبدأت الدعوات من محافظة الإسكندرية، وأنشأ أحد الطلاب "إيفنت" أو فاعلية على "فيس بوك" تحت اسم "انتفاضة طلاب ثانوية عامة في الإسكندرية".
وأكد أحد منظمي الدعوة أن التظاهرات تهدف للمطالبة بحقوقهم، قائلًا: "إحنا هننزل علشان نتعلم صح ومنبقاش تحت رحمة التنسيق اللي ياما بسببه ضاعت أحلام طلاب وضاع معاها أمل أهاليهم فيهم، محتاجين ندرس اللي بنحبه مش اللي مفروض علينا".
وأضاف منظم الإيفنت: "إحنا مش بلطجية ولا شوية عيال فاضية ولا أي حاجة من اللي الناس ممكن تشتمنا بيها.. إحنا طلاب متحضرة في بداية عمرها ونفسها تبدأ صح وبنعرف نفكر صح".
يذكر أنه انتشرت خلال العام الحالي ظاهرة تسريب امتحانات الثانوية العامة على مواقع التواصل الاجتماعي.
