«شاومينج» تتحدى «التعليم» وتعلن طرح امتحان اللغة الإنجليزية غدا.. أحمد: «إنت لو عفريت مش هتعمل كده».. جيهان: «مستنياك يا كبير».. وإيمان: «هتظلمونا بكرة
زعمت صفحة «شاومنج بيغشش ثانوية عامة» أنها ستستمر في تسريب امتحانات الثانوية العامة متحدية بذلك وزارة التربية والتعليم، مشيرة إلى أنها تسطيع تسريب الامتحانات بالرغم من احتياطات الوزارة، وأن الشرطة لن تسطيع القبض على أدمن الصفحة.
وقال "أدمن" الصفحة عبر موقع التواصل الاجتماعى «فيس بوك»، إن امتحان اللغة الإنجليزية لطلاب الشهادة الثانوية سيتم تسريبه غدا قبل دخول الطلاب اللجان بنصف ساعة وأن الأسئلة سوف ترافقها اجاباتها، لافتا إلى أنه لو قام بنشر الامتحان قبل ذاك الوقت ستسبدله الوزارة، مما أثار جدلا بين النشطاء خلال صفحتهم، ورصدت «فيتو» تعليقات متابعى الصفحة.
«عاوز أنجح»
وقال أحد متابعى الصفحة ويدعى "كرولس حشمت": «هو أنتم مش في السجن»، فرد عليه أدمن الصفحة «محدش من الصفحة البديلة اتمسك ولا هيتمسك»، وأضاف محمود عماد: «مصر مستنياك بكرة يا فاجر.. عاوز أنجح»، فيما أضافت جيهان شوقى: «مستنياك يا كبير».
وأضاف مصطفى عواد: «أعتقد اللى يقدر يوصل لامتحان الثانوية العامة محدش يقدر يوصله ﻷنه أكيد هاكر عالمى محدش يقدر يخترق صفحته تحياتى شاومينج»، وأضاف إسلام: «إنت بكلامك كدة هتخلي الوزارة تضع بديلا رابعا»، فرد عليه أدمن الصفحة قائلا: «هجيبه برضو، وهينزل بالإجابات بالضبط»، وقال محمد أبو السعود: «إنت مفيش منك ولا هييجي زيك يا كبيير»، وأضاف أحمد الإمام «تعجبني ثقتك إنت لو عفريت مش هتعمل كده».
مهندسون «فشلة»
وأضافت ميرال: «إيه الجرأة ده كلها، سيب ولادنا في حالهم صرفنا وتعبنا عليهم وهما ذاكروا وعملوا اللى عليهم خليهم ياخدوها بمجهوداتهم وكل واحد ياخد حقه، مش بالغش نطلع أوائل وفى النهاية مهندسين فشلة معندهمش ضمير متعودين على الغش والسرقة والبيوت تقع على دماغ الغلابة ولا دكاترة معدومى الضمير بييجوا على الغلابة عشان يوصلوا، انتم صفحة بتضيع شبابنا ازاى منكم لله وحسبى الله ونعم الوكيل وخافوا من ربنا في الشهر الكريم ده».
فيما قالت آية فوزى: «حسبى الله ونعم الوكيل فيكم ضيعتوا مستقبلنا ومستقبل كل واحد ذاكر وتعب ربنا ينتقم منكم، هتكسبوا إيه لما تطلعوا دكاترة مش فاهمة، زي الدكاترة اللى بيموتوا الناس دلوقتى»، وعلق علاء مؤمن: «يعني أنا أذاكر طول السنة والآخر اللي مش مذاكر يبقي في مستوايا.. حسبي الله ونعم الوكيل».
«ارحمونا»
وقالت إيمان طارق: «حرام عليكوا بجد ارحمونا احنا طالع عنينا ومتوترين والآخر يجى واحد ميعرفش أي حاجه يدخل الكلية اللي عايزها واحنا التنسيق يرمينا على مزاجه كفايه بقى اتظلمنا في الامتحان السابق وهتظلمونا في امتحان بكره منكم لله».
وكانت صفحة «شاومينج بيغشش ثانوية عامة» دشنت، مؤخرًا، عبر موقع التواصل الاجتماعى «فيس بوك»، صفحة بديلة لصفحة «بالغش اتجمعنا» بعد إلقاء القبض على أدمن الصفحة.
