«مش حقيقي»..مشروع تخرج بـ إعلام حلوان

دشن عدد من طلاب شعبة العلاقات العامة والإعلان بقسم الإعلام بكلية الأداب جامعة حلوان، حملة "مش حقيقي" وهي مبادرة ضمن مشروع تخرجهم تهدف لتشجيع الطلاب على تغيير الواقع والسعي وراء تحقيق الأحلام.

وقالت أميرة بهنان، إحدى أعضاء الجروب في تصريحات خاصة لفيتو: إن الحملة فكرتها إننا بنقول للناس إنهم يقدروا يغيروا واقعهم لو هما صدقوا في نفسهم إنهم يقدروا، وإنهم يعملوا اللي بيحبوه ويدوروا جواهم على شغفهم ويمشوا خطوات ناحية هدفهم، وإنهم مايسمعوش للكلام السلبي من الناس ".

وتابعت قائلة:" احنا بنقولهم من خلال حملتنا " مش حقيقي إنك فاشل، مش حقيقي إنك غبي، مش حقيقي إنك مش هتقدري لإنك بنت ".


وأشارت أن هدف الحملة أننا نعلي نسبة الوعي عند الناس وإنهم يركزوا ويسألوا نفسهم هما فين وهدفهم فين من اللي بيعيشوه، وبيعملوا اللي بيحبوه فعلا ولا بيعملوا اللي بييجي في طريقهم.


ويتكون أعضاء الفريق من ثلاث طالبات هم: أميرة بهنان، وعلياء محمد، وميرنا صادق، تحت إشراف الدكتورة لبيبة عبد النبي.