طالب بـ«آداب حلوان» يروي تفاصيل منعه من دخول لجنة الامتحان
روى محمد أشرف، الطالب بالفرقة الثالثة قسم الإعلام بكلية الآداب جامعة حلوان، تفاصيل منعه من دخول لجنة الامتحان يوم الأحد الماضي.
وقال محمد أشرف: "أنا في اليوم ده نزلت من بيتنا في ميعادي الطبيعي الساعة 11 صباحًا عشان عندي امتحان الساعة الواحدة ظهرًا، وفى اليوم ده حصل عطل في المترو، ووصلت الجامعة متأخر وكنت قدام مبنى الامتحانات الساعة 1.25، لكن عميدة الكلية منعتني أنا وأكتر من 17 طالبًا من دخول اللجان.
وتابع: "أكيد كان في طلاب من كليات تانية حصل معاهم كده، دلوقتي عندي سؤال ذنبي إيه مدخلش امتحان مادة مذاكرها وحاضر كل محاضراتها بسبب إن المترو عطل، ذنبي إيه أنا وباقي الطلبة اللي كانوا في نفس المترو مانحضرش الامتحان، عشان عميدة الكلية الدكتورة سهير عبد السلام، رفضت تراعي ظروف الجو اللي تسبب في عطل المترو وأخرنا عن ميعاد الامتحان.
