بطلة العالم في الإسكواش لـ«السيسي»: «دي أقل حاجة نقدمها للبلد»
علقت نور الشربيني بطلة العالم في الإسكواش، على إشادة الرئيس عبد الفتاح السيسي، بإنجازها خلال خطابه أثناء الاحتفال بموسم الحصاد، قائلة: "إحنا كرياضيين دي أقل حاجة ممكن نقدمها للبلد، وإحنا بنلعب البطولات بيكون أهم شيء عندنا هو رفع اسم مصر عاليًا في الخارج".
وقالت "نور" خلال برنامج "تحيا الستات" المذاع على إذاعة "راديو مصر": "أنا كمصرية ورياضية بعمل كل حاجة ممكن ترفع اسم مصر دائمًا، ودي الحاجة اللي ممكن أساعد بيها البلد"، موجهة للرئيس رسالة: "خلي بالك على مصر، وخلي بالك مننا".
وكان الرئيس عبدالفتاح السيسي، وجه التحية لأبطال مصر في الرياضات المختلفة لتفوقهم على مستوى العالم، مشيدًا بفوز بطلة العالم في الإسكواش نور الشربيني قائلًا: "كان من المهم أن أهنئ أبطال مصر، اللي رفعوا اسمها خلال الأيام الماضية، بصراحة دي حاجة تشرف وتفرحنا كلنا، بجهد فردي بنقدر نفوز ونكون أبطال العالم".
