مرتضى منصور يهاجم «الأمين» ويهدد القنوات الفضائية
وجه مرتضى منصور رئيس نادي الزمالك، رسالة إلى القنوات التي تقاطعه بناء على رغبة غرفة صناعة الإعلام، قائلا "قنوات النهار وأون تي في والحياة البنفسيجية لو لم يتراجعوا عن قرار مقاطعته مفيش كاميرا هتدخل مباريات الزمالك".
وأضاف قائلا: "لا أحمد سويلم ولا محمد كامل ولا غيره يقدر يدخل كاميرا، وأنا بقول أهو أمام العالم وأنا عندي قرار جمعية عمومية بمقاطعة القنوات اللي مقاطعة رئيس الزمالك بالقانون ويا محمد كامل هاتعيط هاتتنطط هاتلطم مش هدخلك كاميرات وخليكو ماشين ورا محمد الأمين".
واختتم حديثه، "بقول تاني أهو الراجل فيكو يدخل كاميرا فاهم يا محمد كامل فاهم يا أحمد يا سويلم وبعدين يا أحمد يا سويلم مش أنت اشتريت الكأس من اتحاد الكرة أنا عندي اللائحة واضحة ممنوع يا أستاذ إلا لما تاخد تفويض من لجنة الأندية اللي أنا رئيسها وأنت مأخدتش وهذا باطل".
