أنا اللي قتلت ريجيني
في تلك الظروف العصيبة، وبمناسبة قرب الامتحانات، قررت الاعتراف بأنني أنا اللي قتلت الشاب الإيطالي ريجيني.
طبعًا هذا الاعتراف ليس شجاعة، وإنما هربًا من نظام تعليمي فاشل، لمَّا أولياء الأمور طلبوا إلغاء أجزاء من المناهج لأنها كبيرة والتيرم قصير، فصدر قرار بإلغاء اجزاء من المناهج، طبعًا فرحنا وقولنا هنرتاح، وطبعًا الإقبال على موقع الوزارة كان تاريخي يا فندم، وفي الآخر محدش حذف حاجة من منهج الشهادات.
قلنا مش مشكلة، أهو حذف للعيال الصغيرة بتوع النقل، وبالدخول على الموقع نلاقي منهج شهر فبراير، اللي تم تدريسه هو اللي اتحذف، فالوزارة يبدو أن الشهور عندها ماشية بالشقلوب.
أكيد لما تلاقي وزير تربية وتعليم تعمل كدا يبقى انت أكيد في مصر، وفي النهاية لم أجد مفرًّا من الاعتراف بقتلي ريجيني عشان نخلص من المناهج ومن مستوى التعليم، وأكيد السجن أحسن، والمعاملة مع الشرطة هتكون أحسن من المعاملة مع وزارة التربية والتعليم.
