والدة طفلة ضحية الإهمال الطبي تستغيث بـ«السيسي ووزير الدفاع»
قالت ميادة، والدة الطفلة سما محمود ضحية الإهمال الطبي، « بنتي كان عندها عيب خلقي في المثانة ودخلت مستشفى أبو الريش عملولها عملية وطلعت عملية غلط، وبقالي 4 سنين بجري بيها».
وأضافت «ميادة »، خلال مداخلة هاتفية ببرنامج «مانشيت»، المذاع عبر فضائية «أون تي في»، تقديم الإعلامي جابر القرموطي: «قدمت طلب لوزير الدفاع لاستقبال حالة بنتي ويدخلها مستشفى عسكري، ولما روحت مستشفى المعادي عملت كشف طبي علشان يشوفوا حالة بنتي، قالولي بعد فترة إن الوزير لم يصدق على إجراء العملية وأنا من خلالك بناشد وزير الدفاع والرئيس السيسي أنهم يعالجوا بنتي ».
وتابعت والدة طفلة الإهمال الطبي: «أنا أعمل إيه طيب أروح فين لو البلد دي مش بتاعتنا يقولوا لينا على بلد تانية نروحها، بنتي بتشرب الميه تتبولها على طول زي الحنفية».
