إبراهيم سعيد: «مراتي جايبة رجالة نخنوخ لمنعي من دخول بيتي»
واصل إبراهيم سعيد، لاعب الأهلي والزمالك والمنتخب الوطنى السابق، والمدير الفني لنادي جولدي الرياضى، مطالعة جمهوره على تفاصيل مشكلته مع زوجته شهد عبد الله.
وقال «سعيد»، عبر حسابه الشخصى بموقع التواصل الاجتماعى «تويتر»، مساء اليوم الثلاثاء: «سيادة المستشار مرتضى منصور أنا أحترمك وأقدرك، الأستاذة بتقول للناس إنك سبب الحوار ده كله والتخطيط من عندك، رغم أنك بتقول إنك ضد الفساد والظلم».
وأضاف: «وبتقول إنها جايبة رجاله نخنوخ عن طريقك وأنهم تحت البيت ومش هدخل بيتي تاني، وكل التهديد اللي بيجيلي عن طريقك وعن طريق رجالة نخنوخ».
وتابع: «في اتصال مع المستشار مرتضى منصور قالي ليس له دخل بالحوار من بعيد أو قريب شكرا مرتضى منصور»، مضيفا: «حتى الآن محترم بلدي ومنتظر أخد حقي بالقانون مصر مش بلطجة ولحد دلوقتي بيتي مش عارف أدخله بسبب البلطجة والتهديدات وتم عمل حصار عليه بالكامل وتكسيره».
وأردف: «عايش ومهدد في بلدي ومش عارف ادخل بيتي بسبب بلطجية مش عارف أقول إيه بصراحة»، مضيفا: «هقولها تاني أنا مش بلطجي ومفيش أسهل منها بس الفرق إني بحترم البلد دي وعايزها تكون أفضل من كده».
واستكمل: «صابر كل ده عشان اللي عامل كده ياخد عقابه تكسير وسرقة واستيلاء وتهديدات بالقتل، وقاعد مستني قانون بلدي يجيبلي حقي ومنتظر عشان إحنا مش في غابة».
