«القرموطي» عن إجازة النواب: «كده عيب»
قارن الإعلامي جابر القرموطي بين البرلمان الأوروبي الذي يناقش قضية ريجيني، والبرلمان المصري الخالي من النواب، قائلًا: «كده عيب، البرلمان واخد لي إجازة والبرلمان الأوروبي قالب الدنيا، يا عم اقطع الإجازة وارجع».
وهاجم «القرموطي»، خلال برنامجه «مانشت»، المذاع عبر فضائية «أون تي في لايف»، مجلس النواب: «هو الكونجرس قال لرئيس البرلمان المصري خد إجازة ولا هو اللي واخد من نفسه، محدش يجي يقولي فيه مؤامرة، لأن المؤامرة من عقلنا اللي مش قادر يفهم اللي بيحصل».
وتابع مقدم برنامج «مانشت»: «كل نائب ينزل دائرته يفهم الناس مشكلات الاقتصاد ولا انتوا لزمتكم إيه».
واستطرد: "علي عبدالعال بيتحايل على النواب إنهم يقعدوا في الجلسة".
