أهالي الصعيد يتوعدون «تيمور السبكي» بعد خروجه من السجن.. فليكس: «الحبس أنقذك مننا دلوقتي».. أحمد: «البس يا معلم».. عمر: «خليك متداري دلوقتي».. وسحر: «بعد ا

اشتعلت مواقع التواصل الاجتماعي «فيس بوك وتويتر» بعد معاقبة تيمور السبكي، الذي أهان سيدات الصعيد، والحكم عليه بالسجن ثلاث سنوات، حيث توعد أهالي الصعيد تيمور السبكي بمعاقبته بعد خروجه من السجن، في حين أكد آخرون أن تيمور السبكي يستحق هذه العقوبة، لإهانته لنساء الصعيد، وطالب البعض بأن يكون الحكم على قتلة أبناء مصر بنفس سرعة هذه القضية.

كفاية
قال أحمد علي قاسم:«البس يا معلم»، وعلقت سحر علي بقولها: «كويس قوي 3 سنين سجن وبعدها يبعتوه لستات الصعيد ويعرفوه مقامه دا»، وتابع محمد عوض أوشا: «بعد قضاء مدة حبسه.. لنا إحنا الصعايدة حقنا منه».

يبعتوه الصعيد
وذكر عمر الصعيدي:«علشان يبقى يعرف قيمة الحريم بالصعيد»، وأضاف مصطفى منصور:«ويخلص ال 3 سنين ويبعتوه الصعيد، يخلوا حريم الصعيد يعرفوه إهانتهم تمنها إيه».
وتابع محمد أحمد:« تم الحكم على تيمور السبكي ٣ سنوات مع الشغل والنفاذ في قضية إهانة نساء الصعيد ده حكم القضاء الصعايدة ليهم حكم تاني معاك»، وأضاف صالح عبد القادر عز العرب:«ده حكم القضاء بس لسه ليك حكم تاني مع الصعايدة».

خطف تيمور
وكتب كاب بيكون أبو العيال:«تيمور السبكي اللهم لا شماتة بس أحسن علشان يتربى ويعرف كويس بنات الناس مش لعبة ومش أي هزار مقبول!!»، وذكر عامر علي المحامي:«حبس تيمور السبكي 3 سنوات لـ«إهانة نساء الصعيد» في مصر عبرة لمن لا يعتبر».

وأضاف سعد فليكس أبو هيبة:«تيمور السبكي ربنا رحمك من الصعايدة والله... كانو ناوين ع خطفك... ويقطعوك حتت ولا كان حد شافلك قبر.. قليل.... يعني بعد الإهانة لنساء مصر يتحكم عليه ب 3 بس».

وعلق الحاج عبد الحميد دراز بقوله: «عقوبة مرتاحة واكل شارب نايم في أمان.. واللى ضاع شرفهم أصلهم نسوان. كان المفروض قطع لسان طويل اللسان..علشان يبقى عبرة ويعرف قيمة النسوان»، وأضافت بوابات الصعيد غير قابلة للكسر:«دا حكم القضاء لكن الصعيد له حكم تاني».

وعلق أحمد طه:«افرح بقي يا تيمور يا سبكي ومبروك عليك 3سنوات عشان تبقى تخلي لسانك تحت الـ..»، ورد محمد عبد الحميد:«الحكم على تيمور السبكي ب٣ سنوات سجن.. ده الناس بقالها ٣ شهور تنتج في فديوهات ومونتاج ومخرجين ولا فيلم الجزيرة عشان تشتمه و٣شهور سب وقذف فيه و٣شهور بتشتري سلاح عشان تقتله.. وفي الآخر ياخد ٣ سنين بس».

الله يرحمك
وقال كودو سنشتي:«حبس تيمور السبكي 3 سنوات بتهمة إهانة سيدات مصر.... وماذا عن المتحرش ومن شوه سيدات مصر في برامجه، وأفلامه بتصويرهن عاهرات شارع الهرم».

وأضاف محمود عجرودي:«لساني مش عارف يقول إيه لما تيمور السبكي ياخد ٣ سنين بالسرعة دي بسبب زلة لسان في برنامج خيري رمضان، وقتلة الشهداء الرجالة خيرة الناس لسه بتتحاكم من سنين،، الله يرحمك يا رجولة وحسبنا الله ونعم الوكيل».

وتابع عمر: «أنا لو من تيمور السبكي ماعملش نقض، خليك متداري دلوقتي».