طلاب «فنون جميلة حلوان» يطالبون بالتحقيق مع «دكتور متحرش»
دشن طلاب كلية الفنون الجميلة جامعة حلوان، اليوم الإثنين، «إفينت» على موقع التواصل الاجتماعى «فيس بوك»، بعنوان «متحرش فنون جميلة» بساحة الكلية.
وقال مسئولى الإفينت: «إن هناك دكتور بيسموه «متحرش فنون جميلة، هو دكتور في قسم جرافيك في كلية فنون جميلة بيتحرش بالطالبات لفظيًا وجسديًا، وبيتكلم بإيحاءات للبنات وبيكلمهم في الشات بطريقة متلقش بدكتور لطالبة بيهددهم بالدرجات ومحدش عارف يوقفه، لما بنشتكيه بيقولولنا ده راجل كبير وده اللي درسنا وإحنا قدكوا».
وتابع مدشن الإيفنت «بس كفايا الموضوع زاد عن حده، الإيفينت مش هيقفل غير لما يتم التحقيق مع المتحرش الإيفينت لازم تنتشر قبل ما يتم ابتزاز الطلبة متخافوش».
وطالب الطلاب بالتدوين عن القضية، قائلين «بنتمنى من كل الكيانات الطلابية من جميع الكليات وصفحات ضد التحرش التدوين بشأن ده واحنا كطلبة كلية مش هنسيبه غير لما يتحقق معاه وهنخليه ماشي خايف من الناس اللي بتشاور عليه وبتقول امسك متحرش دوّنوا على الهاشتاج».
