بالفيديو.. ملاك أراضي «القادسية»: غلبنا من الحكومة والمسئولين

عرض برنامج «صباحك عندنا»، المذاع على فضائية «المحور»، فقرة تتضمن فيديو يحتوي على وقفة احتجاجية لملاك أراضي القادسية يطالبون بتصحيح أوضاعهم.

حيث عرض الفيديو عدة لقاءات مع الملاك لاستعراض شكواهم، قائلين: «إن مدينة القادسية تبعد عن القاهرة بـ70 كيلو، بالقرب من العاشر من رمضان، إحنا عملنا وقفة احتجاجية لأننا غلبنا من الدولة والحكومة والمسئولين، محدش بيسمع صوتنا أبدا».

وقال آخرون: «إحنا شاريين 150 و200 متر في الأراضي دي من 2001، ومتسجلة في الشهر العقاري وشاريينها من وزارة الزراعة، والمشكلة أننا عاوزين نحول الأراضي من زراعي لسكني».

فيما قال البعض الآخر: «شاريينها من سنة 2000 بسعر قليل جدا ودلوقتي عاوزينا ندفع فلوس زيادة فوق طاقتنا وفوق تمنها الأساسي، من 70 جنيه لحد 357 جنيه، طب إحنا هنجيب منين».

وقال آخرون: «الأراضي دي غير صالحة للزراعة بقرار رقم 116 لسنة 88، اللي ينص على أنها غير صالحة للزراعة، والأراضي متسجلة قانونا في وزارة الزراعة».

واختتمت سيدة اللقاء، قائلة بكل حزن: «أنا دفعت الفلوس كلها لما اشتريتها وبعت حاجتي ونايمة على سجادة في الأرض.. أودي عيالي فين دلوقتي».