أهالي الأطفال المرضى بمستشفى فاقوس العام يحملون المحاليل بأيديهم
شهدت مدينة فاقوس في محافظة الشرقية، حالة من الاستياء والغضب بين الأهالي، بسبب قلة الإمكانيات داخل مستشفى فاقوس العام، وانعدام الرعاية الطبية اللازمة للمرضي، ما يٌعرض حياتهم للخطر.
وتداول نشطاء على موقع التواصل الاجتماعي " فس بوك " صورة توضح حمل أهالي الأطفال المرضي، بقسم الأطفال بمستشفى فاقوس العام، عبوات المحلول التي تم تقديمها لأطفالهم لعلاجهم داخل المستشفى بأيديهم ووقوفهم على ارجلهم، لعدم وجود حامل للمحلول، ما يٌسبب الأذي لهم.
وقال نبيل أحمد، أحد أهالي مدينة فاقوس: "أنا مش عارف المسئولين عايزين مننا ايه، مش كفاية المعاناة اليومية اللي بنٌعانيها بسبب إهمالهم في المياه والطرق والصرف، كمان جايين على الأطفال، ومش قادرين يوفروا الرعاية الطبية ليهم ".
وتابع نبيل:" والله حرام عليهم لما أروح بطفلي المستشفى ومالاقيش حد مهتم لا طبيب ولا ممرضة، ولما يحنوا علينا ويكشفوا عليه، يحملونا كل شىء والدواء بنجيبه من الخارج لعدم وجوده بالمستشفى، وكمان نفضل إحنا اللي واقفين ماسكين المحلول في ايدينا خوفًا على صحة الأطفال لأنه لا يوجد حامل للمحلول".
