يوسف الحسيني: «أي سلفي يقولك الفالنتين حرام اضربه على بؤه»
استنكر الإعلامي يوسف الحسيني، مقدم برنامج «بصراحة» على إذاعة «نجوم إف إم»، مساء اليوم الأحد، فتاوى السلفيين التي تحرم الاحتفال بعيد الحب.
وقال يوسف الحسيني: «أي حد من السلفيين يقولك عيد الحب بتاع الكفار اضربه على بؤه»، وأضاف: «الناس اللي بتكفر أي حاجة دول ياريت متتعاملوش معاهم، وأي حد يقولك الفالنتين حرام، قوله على قصة السيدة خديجة وسيدنا محمد عند الزواج، ولما أرسلت السيدة خديجة رجلًا لطلب النبي للزواج».
وتابع «الحسيني»:«محدش يتكسف من كلمة بحبك سواء رجل أو ست، وكل واحد عنده حبيب يجري عليه ويقوله بحبك، ولو راجل انزل على ركبتك وقولها، ولو ست احضنيه وقوليله بحبك».
