فالنتين «فيس بوك» بطعم السخرية.. أسماء عن «عيد الحب»: «يوم كئيب على السناجل».. فرح: «أنا سنجل ومرتاحة».. مدحت: «مرتبط وهعمل عبيط».. كريمة: «الارت
يحتفل الأحبة في جميع أنحاء العالم اليوم الأحد، بعيد الحب «الفالنتين»، حيث ينتظره الجميع، المتزوجون والمخطوبون ليعيشوا سويًا أسعد اللحظات التي ينتظرونها من العام للآخر، للتعبير عما بداخلهما من مشاعر وحب تجاه كل منهما للآخر، وقد يكون عيد الحب مناسبة عابرة بالنسبة للكثير منا، ولكنه قد يكون من أهم وأسعد اللحظات التي لا تنسى في حياة كل رجل وامرأة، وخاصة إن كانوا يعيشون حالة استثنائية من الحب.
سخرية النشطاء
«فيتو» رصدت تعليقات نشطاء موقع التواصل الاجتماعي «فيس بوك» حول «الفالنتين»، حيث ظهرت تعليقات لم تخل من السخرية والإسقاطات الجميلة.
إحنا لاقيين ناكل
قال حسن: «الفرق بين عيد الأضحى وعيد الحب، عيد الأضحى المسلم بيشتري الخروف، إنما عيد الحب الخروف هو اللي بيشتري للهانم دبدوب»، وعلق إسلام: «طبعا ملناش دعوة بهذا العيد إحنا لاقيين ناكل أساسا أصلا إحنا مامعناش فلوس نعدى الناحية التانية».
كآبة السناجل
قالت أسماء: «أشعر في عيد الحب إنه يوم كئيب على السناجل، وتلاقيهم يا عينى متنكدين، والمرتبطين تحس إنهم معندهمش دم»، وعلقت فرح قائلة: «هي كده تناحة.. أنا سنجل ومرتاحة» وأضافت سما: «السنجل خالي البال».
وعلقت هدى: «أنا يوم عيد الحب هروح متحـف أبوسنـجل يا ترى هلاقي حد هنا»، وذكرت رولا ساخرة: «قال يامستنى يجيلك في الفالنتين هدية، يامستنى ماكدونالدز يعمل ملوخية»، وأضافت هند: «على كل عريس.. راعوا شعورنا بقى»، وعلق مدحت قائلا: «حسبي الله ونعم الوكيل بتفكروني ليه بالميعاد كنت هعمل عبيط».
دباديب وورود
وأضاف جمال ساخرًا: «وقف الخلق ينظرون جميعا.. كيف أقضى الفالنتين وحدى»، بينما قالت سمية: «ياااه دا أنا كنت نسيت، وبعدين عرفته من الدباديب اللى في الشارع»، وعلق خالد قائلا: «وأنا بقول الدباديب كترت عند الجامعة ليه».
محال الهدايا
وقالت حبيبة خالد: «فالنتين إيه بقولك أيام سووودة.. لكن سعداء، وأضافت ناهد: "لما تشوف محال الهدايا في الفالنتين وانت سنجل.. بيبقى شكلك بااايخ أووى»، بينما قالت كريمة أحمد: «السنجلة جنتلة والارتباط إحباط، وأشار صفوت قائلا: «لأ.. فيه حاجة اسمها حب واللي بيحب حد مش ضروري يستني يوم الفالنتين علشان يجيب ورد أو هدية، واللي بيقول مفيش حاجة اسمها حب أو إن الحب حرام ميعرفش حاجة عن الحب وياريت ميفتيش».
«المرتبطين مفلسين»
وقال مصطفى محمد: «والله يا معلم أشتري بفلوسي سيجارة تعدل رأسي ولا أشتري دبدوب لبنت تشيب رأسي»، وأضافت غادة: «تحس إن السناجل مغلولين والمرتبطين مفلسين».
وعلق محمود أبو الجود: «أنا ما كنتش أعرف.. أنا هالزم بيتنا بكرة على كده»، وأشار فتحى قائلا: «إحنا معندناش غير حب بابا وماما ودول اتوفوا من زمان يبقى مفيش غير حب الله وحب الوطن».
