بالفيديو.. بائعو أسماك: «الناس قلقانة وما بتشتريش زي الأول»

سادت حالة من القلق الشديد في الفترة الأخيرة بين المواطنين بعد العثور على أسماك مسممة في الأسواق.

ورصدت عدسة "فيتو" بسوق المرج مع بائعي السمك والمواطنين كيفية معرفة السمك المسمم والسمك الطازج.

وقالت سامية، إحدي بائعات السمك بسوق المرج: "لازم السمك يبقي صاحي قدامك، السمكة اللي تمسكيها تلاقي صباعك دخل في قلبها تبقي مسممة".

وأشارت إلى ركود حالة البيع والشراء قائلة: "الحالة ماشية بس الناس قلقانة وما بتشتريش زي الأول".

وأضافت:"ما فيش سمك مسمم ولا حاجة، هي الموجة اللي جت ساقعه دهيموتت السمك في المزارع وأصحاب المزارع رموا السمك اللي مات في البحر".

وقالت أم عبده، بائعة سمك: "لو لون السمكه أبيض وماسكة نفسها تبقي سليمة، لو لونها أصفر ولحمها طري تبقي بايظة".

وأشارت إلى غلاء أسعار الأسماك بعد شائعة التسمم قائلة: "كيلو البوري وصل سعره 13جنيها ونص النهاردة، كان من يومين بعشرة جنيه الكيلو الواحد، والبلطي كنا بنجيبه الكيلو بـ10، وبـ11 جنيه، وصل النهارده من مكانه 15 جنيه".

فيما قالت سيدة مقبلة على شراء السمك:" سمعت عن تسمم السمك وما بنخدش بالكلام ده، لو خدنا على كل المشكلات ده، ما حدش هياكل خالص".