بالفيديو.. تماسيح ترعة الإسماعيلية تهدد حياة سكان عزبة شلبي بالمطرية.. «رضا»: «حذرت من التماسيح فاتهموني بالجنون».. «بدر»: «اصطدت التمساح وهو نائم».. والأهالي أ
سيطرت حالة من الذعر والقلق، على أهالي عزبة شلبي بالمطرية، إثر وجود عدة تماسيح بترعة الإسماعيلية، حيث زار الخوف قلوبهم منذ قرابة 15 يوما، ليكشف القدر حقيقة الأقاويل باصطياد تمساح صغير الحجم، ليؤكد سكان المنطقة أنه يوجد أكثر من تمساح صغير، كما يوجد تمساح ضخم ربما تكون «الأم».
ورصدت عدسة «فيتو» واقعه وجود تماسيح بترعه الإسماعيلية، وكواليس اصطياد التمساح كما بالتقرير التالي:
«كانوا بيكدبوني»
«عم رضا».. رجل خمسيني العمر، يعمل "سايس" بجراج تحت كوبري مسطرد، ويعتبر مكتشف قصه التماسيح، عندما روى للأهالي منذ فترة حقيقة ما رآه، نظرًا لقرب الجراج الشديد من بحيره ناصر، قائلًا: "كنت واقف في يوم وشوفت تمساح متوسط الحجم ماصدقتش عيني، ركزت لاقيته فعلا تمساح، قلت لأخويا وأهلي كدبوني واتهموني بالجنون".
وتابع: "كل يوم بقيت بشوف أكتر من تمساح، وعلشان مش معايا تليفون بيصور جيت في يوم نديت على جار وخليته يصور التمساح من بعيد علشان أأكد للناس إنهم موجودين بالفعل".
«صائد التمساح»
تطوع «ربيع»، ثلاثيني العمر، لإثبات حقيقة وجود تماسيح في البحيرة من عدمه، وقام بمخاطرة صيد التمساح، قائلًا: "ببص من بعيد لاقيت مراتي بتقولي الحق في تمساح على البر، قمت ما صدقتش جريت عليه ببص لقيته نايم، جبت حتة قماشة، واتسحّبت وركزت على رأسه والحمد لله ربطت حتة القماشة على رأسه، علشان أقفل سنانه على بعض لحد يتأذى وطلعناه".
فيما أكد أحد أهالي منطقة عزبة النخل: "جبنا شبكة كبيرة لأننا عارفين بوجود تمساح ضخم هنا، ومسيره يخرج وهنحاول بكل جهدنا نمسكه علشان عيالنا".
«مصيف الغلابة»
وأضاف «عم رضا»: «إحنا البحيرة بالنسبالنا تكييف، في الصيف العيال بتنزل البحيرة تصيف مصيف الغلابة بتاعنا، لما يبقى فيها تماسيح هنزل عيالنا لموتهم كده، إحنا غلابة مش عاوزين حاجة غير إن البحيره تبقى أمان لعيالنا ولأهل المنطقة».
وطالب «ربيع»: «يا ريت الجهات المسئولة تتدخل، إحنا كل سنة بيخرج من الترعة جثتين متشوهين، عاوزين نحس بأمان، إحنا في كارثة، عيالنا هتروح فيها».
